Preswylwyr ac Ymwelwyr

Er mwyn cofrestru ar gyfer trwyddedau preswylwyr, dylech fynd i borthol MiPermit portal eich gweithredwr ac i adran ‘Prynu Trwyddedau Digidol’.

Pa wybodaeth sydd ei hangen i gofrestru?

Mae gweithredwyr parcio yn gofyn am wybodaeth wahanol yn dibynnu ar le rydych yn byw. Yn rhan fwyaf yr achosion, dylech fod yn barod â’r wybodaeth ganlynol:

• Eich enw llawn
• Rhif eich cartref a’ch cod post
• Eich rhif treth gyngor (efallai y bydd angen hwn i sicrhau mai chi sy’n byw yn y cyfeiriad rydych yn prynu trwyddedau ar ei gyfer).

Prynu eich trwyddedau

Gallwch brynu trwyddedau preswylwyr neu ymwelwyr ar unrhyw adeg. Wedi i chi fewngofnodi i borthol MiPermit, ewch i ‘Prynu Trwyddedau Digidol’ a dewis y mathau ar drwyddedau rydych am eu prynu.

Wedi i chi brynu eich trwyddedau, gallwch eu defnyddio’n syth trwy fewngofnodi i’ch porthol MiPermit a mynd i adran ‘Rheoli Trwyddedau Digidol’.

Gallwch weld eich trwyddedau digidol yn yr adran Trwyddedau sydd i'w gweld yn y ddewislen ochr. Yn dibynnu ar y gweithredwr parcio efallai y byddwch yn gallu cyflawni'r swyddogaethau canlynol. Sylwch fod gan weithredwyr parcio'r gallu i gyfyngu ar rai nodweddion.

• Tocynnau Tymor - Golygu/newid rhif cofrestru'r cerbyd sy'n dod o dan y drwydded. Mae newidiadau ar unwaith.
• Trwyddedau Preswylwyr - Golygu/newid rhif cofrestru'r cerbyd sy'n dod o dan y drwydded. Mae newidiadau ar unwaith.
• Trwyddedau Ymwelwyr - Ysgogi trwyddedau ymwelwyr i'ch gwesteion barcio yn eich parth parcio a reolir gan breswylwyr.

I brynu hawlenni neu ychwanegu at eich hawlenni ymwelwyr, dylech fewngofnodi i borth MiPermit eich gweithredwyr parcio, a dewis pa drwyddedau i'w prynu.

Eich cyfeiriad preswyl yw cyfeiriad rydych yn byw yno 3 diwrnod neu ragor yr wythnos ac y gallwch dderbyn trwyddedau parcio i breswylydd ar ei gyfer os ydych mewn ardal rheoli parcio. Nid yw eich cyfeiriad preswyl yr un peth â’ch cyfeiriad anfonebu cyfrif.

Mae’r trwyddedau y gallwch eu cael yn cynnwys parcio ar y stryd i chi fel preswylydd a thrwyddedau untro ar gyfer eich ymwelwyr. Mae eich gweithredwr parcio yn gosod eich hawliau fesul wythnos, mis neu flwyddyn y mae ein system yn eu cofnodi.

Os ydych yn symud eiddo, dylech gysylltu â’r gweithredwr parcio neu dîm MiPermit a rhoi prawf o’ch cyfeiriad newydd er mwyn i chi allu prynu trwyddedau newydd neu drosglwyddo eich trwyddedau (os yw’r gweithredwr parcio’n caniatáu hynny). Ni allwch newid eich cyfeiriad preswyl eich hun.

Mae eich Trwyddedau Preswylwyr (a thrwyddedau ymwelwyr) ynghlwm wrth eich cyfeiriad preswyl. Os nad ydych yn byw yn y cyfeiriad lle mae angen trwyddedau ar ei gyfer, siaradwch â’ch gweithredwr parcio.  Gyda thrwyddedau preswyl digidol, does dim angen i chi arddangos unrhyw beth yn y cerbyd oherwydd gall y swyddogion patrôl sicrhau bod trwydded ddilys gennych trwy wirio rhif cofrestru’r cerbyd.

I reoli eich trwyddedau preswylwyr, dylech fewngofnodi i borthol cyffredinol MiPermit neu borthol eich gweithredwr parcio a mynd i ‘Rheoli Trwyddedau Digidol’ a dewis Trwyddedau Preswylwyr. Gallwch newid rhif cofrestru cerbyd y mae’r drwydded yn ddilys ar ei chyfer (os yw’r gweithredwr parcio yn caniatáu hynny) ac adnewyddu unrhyw drwydded sy’n dod i ben.

Newid y Cerbyd ar eich Trwydded Preswylwyr

Dewiswch y drwydded rydych am ei newid a chliciwch ar ‘Addasu Rhifau Cofrestru’. Gallwch nodi’r rhif cofrestru newydd a chadw’r manylion a bydd yn newidiadau’n weithredol yn syth. Sylwch mai un rhif cofrestru cerbyd y dylech ei roi ym mhob blwch, gall ychwanegu mwy nag un rhif arwain i’r gweithredwr parcio gyflwyno HTC.

Os ydych yn addasu rhif cofrestru’r cerbyd ar drwydded, mae’n rhaid i chi sicrhau nad yw’r hen gerbyd wedi ei barcio mewn man lle gall dderbyn HTC am fod heb drwydded ddilys. Mae’r newidiadau a wneir trwy borthol MiPermit yn weithredol yn syth ac ni ellir eu trefnu o flaen llaw. 

Sylwer:Nid yw newid neu addasu eich cerbydau yn adran ‘Aelodau a Cherbydau’ y porthol ond yn effeithio ar gerbydau Talu ac Aros ac nid yw’n newid y cerbyd sy’n dod dan y drwydded.

Adnewyddu eich Trwyddedau Preswylwyr

Os yw trwydded bron â dod i ben, byddwn yn nodi hyn ym mhorthol MiPermit. Os oes cyfeiriad e-bost yn gysylltiedig â’ch cyfrif, anfonwn e-bost atgoffa atoch hefyd ychydig wythnosau cyn y daw’r drwydded i ben. 

I adnewyddu’ch trwydded, mewngofnodwch i borthol cyffredinol MiPermit neu borthol y gweithredwyr parcio a chliciwch ar y faner adnewyddu neu’r bathodyn hysbysiad yn y ddewislen. Bydd rhestr o drwyddedau y gellir eu hadnewyddu i’w weld. Dewiswch y drwydded a chlicio ar ‘Adnewyddu’r Drwydded’. Bydd hyn yn cwblhau’r dudalen prynu trwydded yn awtomatig gyda’r holl fanylion sydd eu hangen yn ogystal â rhoi cyfle i chi wneud newidiadau. Bydd angen i chi roi manylion eich cerdyn talu er mwyn cwblhau’r adnewyddiad.

Trwyddedau digidol ar gyfer defnydd untro yw trwyddedau ymwelwyr, fel yr hen gardiau crafu yr arferai’r gweithredwyr parcio eu defnyddio. Gyda thrwyddedau ymwelwyr digidol, nid oes angen i chi arddangos unrhyw beth yn y cerbyd oherwydd y gall y swyddogion patrôl ddefnyddio rhif cofrestru’r cerbyd i weld a oes trwydded ddilys ar ei gyfer.

Gallwch brynu ‘llyfrynnau’ o drwyddedau ymwelwyr ar sail pro-rata. Cewch ddyraniad o drwyddedau bob blwyddyn y gallwch eu prynu ar-lein yn ystod y flwyddyn hyd nes y defnyddiwch y cwbl ohonynt ac mae modd eu defnyddio yn syth ar ôl eu prynu. Nid oes rhaid i chi aros i lyfryn trwyddedau gyrraedd trwy’r post na’u casglu o swyddfa eich gweithredwr parcio.

I brynu trwyddedau ymwelwyr, dylech fynd i borthol cyffredinol MiPermit neu i borthol eich gweithredwr parcio a dewis ‘Prynu Trwyddedau Digidol’ a dilyn y broses at brynu. Bydd angen i chi roi manylion cerdyn talu er mwyn cwblhau’r prynu.

Defnyddio Trwyddedau Ymwelwyr trwy borthol MiPermit

Mewngofnodwch i’ch porthol MiPermit, ac o’r dewis ‘Rheoli Trwyddedau Digidol’ dewiswch Trwyddedau Ymwelwyr. Bydd angen i chi roi rhif cofrestru cerbyd eich ymwelydd a dewis y math ar drwydded ymwelydd rydych am ei defnyddio (os oes amryw fath gennych), dyddiad/amser gweithredu’r drwydded a hyd y cyfnod parcio. 

Defnyddio Trwyddedau Ymwelwyr trwy SMS

Gallwch hefyd ddefnyddio SMS i weithredu trwydded ymwelwyr os oes rhif ffôn symudol yn gysylltiedig â’ch cyfrif. 

Os oes gennych drwyddedau ymwelwyr i’w defnyddio ar eich cyfrif, gallwch anfon SMS (neges destun) i 61600 gyda’r (enghreifftiau) canlynol:

YMWELYDD    A123BCD    4hrs

Bydd hyn yn caniatáu i’ch ymwelydd sydd â’r cerbyd A123BCD barcio yn eich parth parcio am 4 awr. Sylwch y bydd y cyfnodau’n dibynnu ar eich gweithredwr parcio a’r trwyddedau sydd gennych.

Nid oes angen nodi cyfnod ar gyfer trwyddedau ymwelwyr rhai gweithredwyr parcio, edrychwch ar dudalennau porthol MiPermit eich gweithredwyr parcio am fanylion.

Defnyddio Trwyddedau Ymwelwyr dros y Ffôn

Gallwch hefyd ffonio er mwyn cofrestru ymwelydd. Gallwch ffonio gwasanaethau cwsmeriaid MiPermit neu efallai y bydd angen i chi ffonio llinell gymorth eich gweithredwr parcio. Bydd manylion hyn ar borthol MiPermit eich gweithredwr parcio.

Mae MiPermit yn system dalu ar gyfer trwyddedau digidol a pharcio heb arian parod. Er ein bod yn cynnig gwasanaethau i awdurdodau parcio, nid ydym yn patrolio, gorfodi nac yn cyflwyno dirwyon ar eu rhan.

Os ydych wedi derbyn HTC (Hysbysiad Tâl Cosb/Parcio) wrth ddefnyddio ein gwasanaethau ac rydych yn teimlo y cyflwynwyd y ddirwy ar gam, dylech yn gyntaf gasglu tystiolaeth a chyflwyno hyn i’r awdurdod parcio gan ddefnyddio’r manylion sydd ar yr HTC. Gall hyn fod yn ddolen at eu gwefan neu gyfeiriad y gallwch ysgrifennu iddo. Mae’n rhaid gwneud apeliadau yn ysgrifenedig bob tro a’u cyflwyno i’r gweithredwr parcio ac nid i MiPermit.

Dylech gasglu tystiolaeth sy’n profi i’r gweithredwr parcio eich bod wedi talu am barcio neu fod gennych drwydded ddilys i barcio ar adeg y tramgwydd; yn yr achos hwn, bydd lluniau sgrin o negeseuon SMS, derbynebau neu rifau trwydded o fudd i chi yn eich her. Os derbynioch HTC am unrhyw beth ond am beidio â thalu neu beidio â dal trwydded ddilys (megis parcio’r tu allan i gilfach barcio), dylech gyflwyno tystiolaeth eich hunan. 

Mae gweithredwyr parcio sy’n defnyddio MiPermit ar gyfer taliadau a thrwyddedau’n gallu edrych ar ein systemau i weld a fu ymgais deg i dalu am barcio ar eich rhan er mwyn iddynt allu ymateb i’ch her. Os na all y gweithredwr ddod o hyd i’r fath dystiolaeth, bydd yn cysylltu â MiPermit i ymchwilio ymhellach.

Nid yw MiPermit yn rhan o’r broses wneud penderfyniadau ynghylch HTCau a gyflwynir ac a ddylid eu dileu ai peidio; fodd bynnag, rydym yn fodlon rhoi tystiolaeth ffeithiol i chi os oes arnoch ei hangen.